Teatro"O BORDELO" Cervo (Lugo)

XI VELADAS DE TEATRO NO SOUTO e IV EDICIÓN EXPRESS-arte CERVO

2011-07-29T04:23:00.000-07:00

Os días 4.5,6, e 7 de Agosto , ás nove e media
da noite , con entrada gratuita e con espazo
totalmente cuberto, a Praza do Souto de Cervo
voltará a ser o escenario da combinado
artístico-cultural formado por EXPRESS-arte e
as VELADAS DE TEATRO NO SOUTO, organizadas polo
grupo de teatro "O Bordelo" coa colaboración do
Concello de Cervo.
Para abrir boca subiran ó escenario os
participantes da IV Edición de EXPRES.arte , esa
oportunidade para todos aqueles que queren
comezar no mundo artístico, para continuar coas
representacións teatrais das XI VELADAS DE TEATRO
NO SOUTO , que este ano , a pesares da crise,
presenta un programa especial.
Os actos desenrolaranse de acordo ó seguinte programa:
Xoves, día 4 de Agosto: (EXPRES -arte: Recital poético-musical a cargo de PACO RIVAS) seguido do Grupo de teatro asturiano "El Hórreo"de Barcia (Valdés) representando " Telva i Axuacu" de José Oliva Alonso.
Venres, día 5 de Agosto; (EXPRESS-arte:SKETCH:" Ai, que sería de nós sen os obreiros" con Ángeles Gabeiras e Olga Chamosa de As Pontes de García Rodríguez) seguido de TIRULEQUE TEATRO do Carballiño (Ourense) representando "Silycon Vallley" de Pepe Prada.
Sábado, día 6 de Agosto, (EXPRESS-arte: Música con sentimento latino a cargo de CANERE-SON) seguido de TEATRO ARTESÁN de Sada (A Coruña)
representando "Melocotón en almibar " de Miguel Mihura.
Domingo, día 7 de Agosto (EXPRESS-arte: A voz e alma da copla :NINO POL (Riotorto) seguido do Grupo de teatro "O BORDELO" de Cervo representando:
"Querencia" de Francisco Piñeiro

O Bordelo pregoeiro das festas patronais 2010

2010-08-14T22:30:00.000-07:00

CERVO .- Este ano as festas patronais de Cervo contarán cuns pregoeiros ben coñecidos e moi apreciados polas veciñas e veciños deste concello lucense: Os integrantes do grupo de teatro afeccionado O Bordelo.

Tras o éxito acadado na organización das tradicionais citas estivais das Veladas de Teatro no Souto e do orixinal proxecto EXPRESS-arte, que nos a finais do mes de xullo contou cunha media de 450 seguidores por día, os membros deste colectivo que leva doce anos ao servizo da cultura por toda Galicia poderán facer de profetas na súa terra asumindo a cita ineludible co pregón, que serve de pistoletazo de saída para as celebracións na honra de San Roque e de Nosa Señora a Virxe do Carme.

Aínda está por coñecer o programa definitivo das festas patronais da capital de Cervo –que será presentado na súa totalidade nas vindeiras datas- pero xa sabemos que o pregón terá lugar o venres 13 de agosto sobre as 19 horas, coincidindo coa celebración da Festa do Ovo Fritido.

Francisco Piñeiro, director de escena, actor e escritor, conta no seu haber con máis de setecentas representacións teatrais e xunto a súa dona Mª Paz Rodríguez Silva, e os actores Dolores Viamaonte Rey, Antonio González- Patoso, Xosé Vicente Mon e Xosé Manuel González- Copa contarán este ano coa responsabilidade de saír á escena non para ofrecer unha das súas divertidisima obras senón para pregoar as festas patronais do pobo no que residen

X Veladas de teatro no Souto e III EXPRESS-arte

2010-07-28T22:31:00.000-07:00

O éxito de público asistente nos catro días programados fainos pensar que tanto EXPRESS-arte como as Veladas de Teatro no Souto xa están enraizados como alternativas culturais fixas nás noites de verán da Mariña Lucense.

Un promedio de catrocentas cincuenta personas por día
dá ánimos para seguir traballando desinteresadamen-

te polo ben da cultura.

Estamos moi agradecidos .

III Edición de EXPRESS-arte

2010-06-07T01:53:00.000-07:00

Os días 29,30, 31 de Xullo e o día 1 de Agosto , na Praza do Souto de Cervo volverá a abrirse a fiestra das oportunidades artísticas de EXPRESS-arte na súa III Edición, coincidindo coa celebración da X Edición das Veladas de Teatro .
Nesta festa das oportunidades caben todas aquelas personas capaces de subirse a un escenario co fin de disfrutar facendo o que artísticamante sempre lle apeteceu realizar : cantar, contar contos, parrafadas, mimos, monólogos, tocar instrumentos, maxia, ... etc. Para elo, de forma totalmente gratuita, a organización pon a disposición dos participantes un escenario equipado con iluminación e son axeitados durante un tempo máximo de media hora cun promedio de aforo de catrocentas personas diarias que son as que veñen asistindo ás Veladas de Teatro nas ultimas edicións.
Tendo en conta os satisfactorios resultados das duas edicións anteriores confiase en que EXPRESS-arte 2010 sexa a proba definitiva para consolidar esta cita como outra alternativa cultural máis a ter en conta nos veráns da Mariña.
Para máis información e inscripción enviar e-mail a franpigon@hotmail.com ou consultar
Blogspot Bordelo Cervo.

O Bordelo, breve historial

2010-03-16T11:01:00.001-07:00

DOCE ANOS Ó SERVIZO DA CULTURA POR TODA GALICIA e Asturias

OBRAS REPRESENTADAS
2009.-O ESPELLO DO PRESTAMISTA Tribulacións sobor da crise económica, hipotecas hoxe , na emigración e na Idade Media. Cambiamos de muiñeiro pero seguimos tendo patrón.
2008.-R.I.P. MARANDAINA Premio á mellor obra entre os 27 participantes no IX CICLO “DOMiNGOS A ESCENA” Caranza, Ferrol Búsqueda do equilibrio territorial,social e personal (contra violencia de xénero) Recuperación Integral dos Pobos e aldeas Respecto da Industria pola Paisaxe Respecto, Igualdade e Paz.
2007.– O MARIÑÁN Premio especial do público e Premio ó mellor actor na IV Mostra de Sada Urbanizacións agresivas, cambio climático e memoria histórica.
2006.-ANISOCORIA Superación da muller ante unha separación matrimonial.
2005.-”KHATARSIS” 3º Premio Daniel Cortezón Dificultades para conseguir vivenda. Conviencia en parella.

2004.-PLÁTICA SISUAL Problemática do abandono dos vellos, alternativa ós asilos.
2003.– TRÉBEDES SEN LUME 4º Premio Daniel Cortezón A dictadura dos fillos sobre os pais. A familia, a naturaza e o respecto ás personas maiores.
2002.– RELAX-TOTAL A filosofía da vida e a supervivencia na Galicia profunda.
2001.– CAMBADELAS 3º Premio Laxeteatro As hipotecas e as súas consecuencias.
2000.– NA ENCRUCILLADA Os conflictos bélicos como resultado dos intereses das potencias mundiais.
1998.– ANDAR Á COMENENCIA O caciquismo e os políticos deshonestos.

Quintana de vivos, anguria dos orfos

2010-03-16T10:45:00.000-07:00

“Quintana de vivos, anguria dos orfos”,escrita por Francisco Piñeiro e estreado o día 5 de xaneiro en Cervo.
Esta nova comedia dunha duración de noventa minutos sen interrupción amosa unha visión satírico-cómica da orfandade que padecen os nosos eidos e os nosos hortos. Non queremos polemizar nin atopar solucións milagreiras, tan só agardamos que neste Ano Xacobeo do 2010 peregrinemos a Santiago para xunta-los esforzos e administra-los auxilios que o noso agro precisa para que resucite e floreza na Quintana dos vivos.

Collidos da man

2009-07-23T08:58:00.000-07:00

Definitivamente as Veladas de teatro no Souto de Cervo camiñan cara a súa décima edición levando da man á II Edición de Express-arte. Na primeira semana de agosto os dous eventos se funden nunha aperta creativa conformando unha cita obrigada para tódolos amantes da creatividade artística.
Este ano o cartel teatral comparteno grupos de Asturias, Ferrol, Foz e o anfitrión, O Bordelo de Cervo. Para disfrutar!
E como aperitivo Express -arte presenta o seguinte p r o g r a m a:

XOVES, día 30 de xullo, (9,30 noite)
“AMOR CONXELADO”, sorprendente espectáculo literario-musical posto en escena por ADELI e SUSO.

VENRES , día 31 de xullo,(9,30noite)

“CANCIÓNS DE SEMPRE” na impresionante voz de JOSÉ LUIS RODRÍGUEZ , “o Rosino”,na compaña de grandes músicos de Viveiro, membros de “Escolma de Meus”

SÁBADO, día 1 de agosto (9,30 noite)

“ ESPECTÁCULO DE MAXIA” coa presenza do MAGO JOGE, único na Mariña.

DOMINGO, día 2 de agosto, (9,30 noite)

“MÚSICA INSTRUMENTAL” interpretada polo xovencísimo virtuoso do violín XABIER MAZAIRA

En caso de mal tempo as actuacións serán no auditorio da Casa do Concello.

EXPRESS-arte

2009-06-25T10:33:00.000-07:00

Click na imaxe para ler .
Aquela canción de taberna, aquel poema agochado, esa música que nunca foi liberada ou sinxelamente saber se vale a pena compartir ideas , iso é EXPRESS-arte.
Un xeito de facer agromar a cultura sumerxida, a que nunca lle demos a oportunidade de que os demais a sintan na nosa compaña.
Non se pretende proxectar a ninguén á fama, máis ben dar a oportunidade de realizar unha asignatura pendente, a posibilidade de facer realidade as pequenas ilusións que ,a miudo, soterramos porque ninguen nos empuxa a compartir.
A Praza do Souto, un recuncho agarimoso onde o respecto do público se convirte en arte, recibe cos brazos abertos a todos cantos desexan colocar unha pedra no mundo da creatividade cada primeiro fin de semana de Agosto . Benvidos!

EXPRESS-arte 2009

2009-06-22T10:33:00.000-07:00

O grupo de teatro O Bordelo, coñecedor das dificultades e das poucas oportunidades que atopan na Mariña aquelas personas creativas para dar a coñecer os seus traballos ,decidiu abrir unha pequena ventá chamada EXPRESS-arte que nesta SEGUNDA EDICIÓN se rexirá polas seguintes
BASES:
1.- Poderán participar de xeito individual ou colectivo aquelas personas
que desexen amosar o seu traballo artístico-creativo.
2.- O tempo máximo concedido será de 15-20 minutos
3.- As actuacións serán os días 30 e 31 de Xullo e os días 1e 2 de Agosto
na Praza do Souto de Cervo, no escenario habilitado para as IX VELADAS
NO SOUTO, antes das representacións teatrais establecidas.
4.- Para inscribirse : chamar os teléfonos 600717622 // 686423068 ou escribir un
e-mail a: franpigon@gmail.com antes do día 26 de Xullo
5.- Existirá unha comisión encargada de seleccionar os espectáculos.
6.- A organización encárgarase dos preparativos necesarios .

Representación en el teatro Jofre de Ferrol

2009-06-17T14:34:00.000-07:00

O día 14 de Xuño, ás sete da tarde comezoua representación da peza "R.I.P Marandaina" no teatro Jofre, o buque insignia do teatro e da cultura ferrolá. Os latidos do corazón do Jofre presaxiaban a bo esperanza pois abrira as súas portas para dar unha aperta ó teatro afeccionado , é dicir, tender unha man amiga para camiñar xuntos. Ese é o mellor premio que podiamos compartir
Así, envolto nesa aura máxica, recibiu o maxestuoso Jofre a un público ansioso de compartir emocións cos actores do grupo “O Bordelo” e , nun acto sublime
de mútua entrega polas dúas partes chegamos ó remate da peza coa satisfación de botar xuntos case duas horas.
Para rematar o sr alcalde de Ferrol entregounos o diploma como gñadores do premio do Público no IX Ciclo Domingos a Escena , en Caranza, Ferrol.

Un soño colectivo

2009-04-30T04:05:00.000-07:00

O público, elemento motriz do teatro, emitiu veredicto. O cadro de actores do grupo de teatro "O Bordelo" de Cervo recibe agradecido o premio outorgado pero non se lle esquece que o mérito é de todos , da excelente organización, do traballo de tódalas compañías participantes e do marabilloso público de Caranza, porque o teatro é un soño colectivo.
O ciclo "Domingos a Escena" no é un simple espectáculo senón unha universidade que contribue a desmitificar, a democratiza-la cultura e mantén a firme vontade de colaborar na edificación dun país máis xusto por iso ben pode Caranza , Ferrolterra e toda Galiza , aplaudi-los esforzos e a tenacidade dos membros de Max Teatro e o patrocinio de tódalas institucións que arroupan o evento. Manter vivo o lume do teatro afeccionado é algo máis que un acto de valentía, ven a ser unha inversión en capital humano,en concienciación colectiva, porque o teatro afeccionado enraiza no pobo ,sénteo de seu, coma un fillo ó que abraza , que regresa ás súas entranas. Dicía Lorca:" O teatro é un instrumento que se lle roubou ó pobo".
Os grupos e compañías participantes ,viveiros de creatividade,sen recursos, pero capaces de convertir o humilde en sublime, capaces de darlle valor ó noso , merecen compartir con " O Bordelo" este premio e moitos máis. Todos xuntos, e non por separado, ergueremos ó teatro para liberalo definitivamente dese agridoce mel de melancolía e fatalismo co que adoitan presentalo e que tan maxistralmente nolo deixou debuxado Castelao.
E o público, ese púcaro de esencias do que todo sae e a onde todo volta, coa súa participación demostrou en Caranza aprezo, respecto e amor polo traballo de todos.
O público agradece unha aprendizaxe dinámica, aprende a correxirse mentres se divirte , como dicía Moliére, e agradece que conecten con el porque se identifica, se idealiza porque de " médico, artista e louco, todos temos un pouco".
Parabéns a todos! Que non esmoreza o lume de Caranza e sirva de exemplo e de bandeira.
Recibide os máis sinceiros aplausos de tódolos membros do grupo " O Bordelo" de Cervo , un colectivo que por moitos premios que reciba continuará sempre abordelando humildemente do carro do teatro afeccionado e da cultura en xeral onde queira que o precisen tal como leva feito dende a súa fundación hai once anos por ser ese é o seu obxectivo colectivo e o de quen isto escribe en nome de todos.
Francisco Piñeiro, autor e director do grupo.

Premio " IX Ciclo Domingos a Escena " Caranza, Ferrol

2009-04-21T14:43:00.000-07:00

Outra vez estamos de noraboa! O público agradece o noso teatro e fainos merecedor doutro premio. Neste caso outorgounos o primeiro posto entre os 27 compañías de teatro que participaron no “IX Ciclo Domingos a Escena” dende o 21 de septembro do 2008 ata o 19 de Abril do 2009, no Centro Cívico de Caranza , en Ferrol, coordinado por Max Teatro e co patrocinio do Concello de Ferrol , Diputación Provincial da Coruña e da Xunta de Galicia.
Un total de 5800 espectadores , cunha media de 216 por sesión , presenciaron pezas de Arniches, Woody Allen, Shakespeare,Mihura, Roberto Vidal Bolaño e Manuel Lourenzo, entre outros , escenificadas por grupos escollidos nas catro provincias galegas.
Nós representamos o día 22 de Marzo a súa peza “R.I.P. Marandaina” ,orixinal do noso director Francisco Piñeiro, pola que recibimos a maior puntuación outorgada polo público nas votacións que se realizaron ó remate de cada sesión.
O premio consistente en 1500 euros en metálico vén acompañado da oportunidade de representar a obra vencedora no Teatro Jofre de Ferrol , acto que terá lugar o vindeiro 10 de Maio.
O cadro de actores de “O Bordelo” formado por Mª Paz Rodríguez Silva, Dolores Viamonte Rey, Antonio González-Patoso, Xosé Vicente Mon Canoura, Xosé Manuel González-Copa e Francisco Piñeiro recibirá con satisfación este galardón que desexa compartir con todos cantos apoiaron os seus traballos nos once anos de existencia do grupo O Bordelo. Grazas a todos.

A TRES BANDAS

2009-03-16T16:10:00.000-07:00

Os membros do grupo de teatro "O Bordelo" proseguimos coas actuacións cada fin de semana por onde queira que nos chaman. As súas pezas "O Mariñán", "R.I.P. Marandaina" e " O espello do prestamista" son solicitadas de forma aleatoria o cal leva consigo unha actualización constante das mesmas para poder xogar a tres bandas. " O Mariñán"
estivo en Brión, co Ciclo Pedra do Moucho; "R.I.P. Marandaina vai este domingo a Caranza (Ferrol) para participar nos Domingos a Escena mentres "o Espello do prestamista" vai facendo a súa rodaxe en Cangas de Foz, casa cultura San Cibrao e a gora irá a Barreiros,Sta Mariña de Ferrol, etc.. A tempada é moi completa polo que agradecemmos públicamente a confianza depositada en nós. Moi agradecidos.
Sabemos de moitos seguidores que se desprazan bastantes kilómetros para volver a ver as nosas pezas; para nós é un orgullo e un pracer enviarlles a axenda;todos aqueles que o desexen non teñen máis que solicitala por e-mail. Servirémolos gustosamente

"O espello do prestamista"

2009-01-06T05:04:00.000-08:00

Un ano máis, e van once, o grupo de teatro O Bordelo cumpriu co costume de estrear unha peza o día cinco de xaneiro, noite de reis, noite de ilusión e de esperanza no Auditotio de Sargadelos, onde acudiron xentes de toda a Mariña e fóra dela para seguir dándonos o seu apoio, o cal agradecemos pois os seus aplausos son o noso alimento.Ilusión e esperanza son sementes que poñemos cando queremos realizar unha nova montaxe. Debido ós múltiples compromisos que o Bordelo adquiriu no ano do seu décimo aniversario foi especialmente difícil chegar a estas datas e ter preparada esta nova representación. “ O espello do prestamista”, interpretada por Dolores Viamonte Rey, María Paz Rodríguez Silva, Antonio Glez- Patoso, Xosé Manuel Glez- Copa e Francisco Piñeiro, autor e director da peza, quere ser unha visión satírico- popular da crise económica actual.

Gotiñas de retranca e de filosofía galega que xa veñen de volta dos ríos da historia enchoupadas de recordos dos castelos ou das tráxicas historias da emigración que,
queiramos ou non, desembocan neste turbulento mar actual onde os sentimentos afogan e nos facemos escravos do gran capital.
Cambiamos de muiñeiro pero seguimos tendo patróns e o carto vai e o carto vén pero canto máis se vai menos se ten

Chegou a hora de dicir Basta!
A xente honrada, que se esforza e que traballa comeza a estar moi farta de vivir sempre empeñada, de que recorten sempre a súa manta e non poidan tapa-los pés nin chegar a fin de mes.
Teatro esencialmente popular en clave de humor (enraizado na Mariña Lucense

Defensa da idiosincrasia particular dos pobos e das súas culturas.

HISTORIA DO TEATRO AFECCIONADO NA MARIÑA LUCENSE

2008-09-14T10:36:00.000-07:00

Certamente a Mariña Luguesa é terra aberta; aberta ás ideas, abertas as xuntanzas,.
Á Mariña convén entendela. Os seus aires de mar sementan recordos na terra e cos recordos escribímo-la historia dos pobos, das vilas e aldeas, a historia das verbas, do esforzo xigante, da xente que espera, das bágoas e festas, de todo aquilo que á alma alimenta e un pobo agradece si se garda “in memoriam” para que non esmoreza.

Coa excusa do noso décimo aniversario, o noso director Francisco Piñeiro pretende sacar adiante un libro no que leva tempo traballando: A HISTORIA DO TEATRO AFECCIONADO NA MARIÑA LUCENSE.
Contribuir a mingua-lo esquecemento é o principal obxectivo deste traballo; intentar rescatar das gadoupas dos tempos murchos aqueles esforzos escénicos dos mariñáns que, con moita imaxinación, moito ánimo e poucos recursos foron capaces de consolidar ese soño colectivo que é o teatro porque “un a un somos mortais, pero xuntos somos eternos”
Estas páxinas tamén serán un froito colectivo. Páxinas escritas pola amizade e o altruísmo de moitos colaboradores espallados dentro e fóra das fronteiras dese escenario azul e verde que conforman o mar coas serras do Xistral e da Corda. Para todos eles vai por diante o máis sinceiro agradecemento. Xuntos entendemos que o teatro reflicte a imaxe dos pobos, que un pobo sen teatro é un pobo sen verdade. Falamos do teatro, sen adxectivos, sen comparacións, daquel que agroma inxenuo, namorado, sen pretensión de méritos nin medallas; aquel que á maioría dos “entendidos” non lles cadra na súa vara de medir por ter esquecido o que Lope de Vega deixou dito: “ ..el pueblo es el único que dicta las leyes del teatro”.. porque “..el teatro es un instrumento robado al pueblo”, confirmou García Lorca, e ..”.. todo o que conecte co pobo ten dinidade”…según Blanco Amor.
Por todo elo , entendemos que a súa historia ben merece que non se perda.

E para que non quede nigún esforzo sen relatar queremos pidir desde este blog a colaboración de todos os que saiban de algo referente o teatro que se fixo ou que oiu. Agradeceriamos que se puxeran en contacto con nós, a través do correo franpigon@hotmail.com ou dos teléfonos que están á marxe. Moi agradecidos

EXPRESS-arte 2008

2008-08-24T08:27:00.000-07:00

A primeira edicion de Express-arte foi da man das VIII Veladas de teatro e cumpriu os seus obxectivos: abrir unha xaneliña para asomar inquedanzas artísticas

As actuacións foron seleccionadas baixo dous criterios: a lembranza dos ex-membros do grupo "O Bordelo", no seu décimo ano, e as oportunidades ós artistas locais

O mércores representaron "Apertas de airío": Rubén Fernández, Carmen Polo, Santiago Alvarez e Pilar Rodríguez. O día 31 ,emocionou ó público o cantautor Ramiro Chaves

O venres,día 1 de agosto, por mor de problemas coa voz non puido actuar Luis Rodríguez para lembrarnos a Pucho Boedo e nunha improvisación de Juan José Pardo coa súa filla Ainoa resolvémola situación

O día 2, sábado, Mª Luján Ramos Ben, Ramón Luis Bernardo Insua e Antón-Xosé Díaz Valle reestrenaron "Saloucos" a peza embrionaria do grupo "O Bordelo" ,no contexto do asunto "Cason".

E por último, o domingo, Juan José Pardo e a súa filla Ainoa , como ex- membros do Bordelo puxeron en escena "O diploma".

A idea de EXPRESS- arte foi aplaudida e queda sementada .

Grazas a todos!

2008-08-24T07:45:00.000-07:00

O domingo , dia 3 de agosto, remataron as VIII Veladas de Teatro no Souto. Foron cinco noites nas que o pobo de Cervo , xunto a moitos amantes do teatro afeccionado chegados, adrede , dende distintos lugares da provincia , deron unha lección de participación e respecto polo traballo dos grupos participantes, os cales corresponderon cunha entrega admirable.

Cunha participación dun promedio de máis de catrocentas personas diarias ,as Veladas de Teatro no Souto despuntan coma unha das ofertas culturais a elexir nas noites de agosto da Mariña Lucense.

"A beleza do lugar, a acústica, a participación e o respecto polo teatro confluen aquí" afirmou Manuel Lourenzo , quen nos visitou por sorpresa e a súa compaña foi un dos mellores agasallos para o grupo de teatro " O Bordelo" no seu décimo aniversario.

Moitas grazas a todos.

VIII Veladas de Teatro no Souto

2008-07-11T23:50:00.000-07:00

Os días 30 e 31 de xullo e os días 1, 2, e 3 de Agosto deste ano 2008 celebraremos as VIII Veladas de teatro na Praza do Souto en Cervo. Este ano , por ser o décimo aniversario do grupo organizador "O Bordelo" teremos dúas novidades: haberá cinco días e completaremo-la programación coa primeira edición de EXPRESS-arte.

A programación , coma tódolos anos, ríxese pola diversidade e pola non repetición de grupos; virán de Vigo, "Atlántida-Matamá" ;de Melide , "Charamela"; da nosa comarca da Mariña: "Raiolas" de Alfoz ; do noso Concello "Ardora" e pechará o grupo anfitrión "O Bordelo".

EXPRESS -arte 2008

2008-06-23T09:14:00.001-07:00

No ano do seu décimo aniversario, o grupo de teatro O Bordelo, coñecedor das dificultades e das poucas oportunidades que atopan na Mariña aquelas personas creativas para dar a coñecer os seus traballos ,decidiu abrir unha pequena ventá chamada EXPRESS-arte que se rexirá polas seguintes BASES:

1.- Poderán participar de xeito individual ou colectivo

aquelas personas que desexen amosar o seu traballo

artístico-creativo.

2.- O tempo máximo concedido será de 15 minutos.

3.- As actuacións serán os días 30 e 31 de Xullo e os días 1

2 e 3 de Agosto na Praza do Souto de Cervo, no

escenario habilitado para as VIII VELADAS NO

SOUTO, antes das representacións teatrais establecidas.

4.- Para inscribirse : chamar os teléfonos de contacto deste

blog ou escribir un e-mail a: franpigon@gmail.com

5.- Existirá unha comisión encargada de seleccionar os

espectáculos.

6.- A organización encárgarase dos preparativos necesarios .

VIDEO X ANIVERSARIO

2008-06-04T08:40:00.000-07:00

Exposición "X Aniversario"

2008-05-22T10:25:00.000-07:00

O venres, día 16 de Maio de 2008, ás oito da tarde o grupo de teatro "O Bordelo" cumpriu os dez anos de andaina escénica. Con tal motivo todolos seus actores , colaboradores, medios de comunicación e autoridades foron convidados a un viño galego no Caseto de Copa, en Cervo.

Aproveitando a ocasión inaugurouse a exposición conmemorativa do décimo aniversario composta de fotografías, programas de man e a proxección dunha presentación audiovisual coa que se fixo repaso de tódalas obras realizadas.

Esta xuntanza serviu para agradece- lo esforzo de tódolos convidados, o apoio recibido dos responsables do seu berce, o Auditorio de Sargadelos, o de tódolos veciños de Cervo ,e sobor de todo ós moitos seguidores que teñen por onde queira de vaian.
Moitas grazas.

" O BORDELO " na Universidade de Santiago

2008-05-06T15:19:00.000-07:00

O Bordelo muestra su teatro a Santiago. Después de haber cosechado éxitos en el certamen de teatro aficionado de Sada, el grupo cervense pone rumbo hoy a Compostela para participar en el ciclo Teatro (é) Educación organizado por la Facultade de Ciencias da Educación. Representarán la obra O mariñán y su director Francisco Piñeiro dará la conferencia «Experiencias de teatro popular: semente de ida e volta». Otro conjunto que dirige, A Adala, estrenó anteayer en su tierra natal, Fazouro, la obra Fobias con amor.

Blogger: Perfil del usuario teatro O BORDELO

2008-05-05T14:43:00.000-07:00

Blogger: Perfil del usuario teatro O BORDELO

Premios na "IV MOSTRA DE TEATRO DE SADA"

2008-05-05T12:49:00.000-07:00

A compañía 'O Bordelo' acada dous dos catro premios na IV Mostra de Teatro Afeccionado
A IV Mostra de Teatro Afeccionado do Concello de Sada, que se desenvolveu entre os días 22 e 30 de marzo, logrou concitar a máis de mil espectadores para asistir en directo á representación das seis funcións que se presentaron a concurso. O éxito popular deste certame cultural reflexouse tamén na sesión de clausura, á que asistiron onte no auditorio da Casa da Cultura Pintor Lloréns 300 persoas.31 de marzo de 2008 Das seis compañías que competiron durante a última semana na IV Mostra de Teatro Afeccionado do Concello de Sada, 'Teatro O Bordelo' de Cervo (Lugo) foi a gran triunfadora coa representación da obra 'O Mariñán'. Recibiu o premio do público, dotado con 500 euros e tamén o do mellor actor (300 euros), que recaeu en Francisco Piñeiro.

R.I.P. MARARANDAINA

2008-05-05T12:33:00.000-07:00

É unha comedia, escrita e dirixida polo noso director, Francisco Piñeiro e está concebida para usar como medicamento. Reduce a febre do desequilibrio territorial . Non provoca un aumento irracional dalgunhas poboacións . Rebaixa a elevada hipertensión social , evitando colapsos circulatorios, brotes endémicos de intolerancia e artrose comunicativa,etc…
Está indicada para:
- Recuperar Integramente os Pobos, especialmente o inmaterial.
-Respecto da Industria pola Paisaxe, facendo posible a simbiose.
-Recuperación Integral da Política para acadar credibilidade

-Reforma Interior das Personas intolerantes e incívicas
E sobor de todo para que todos busquemos : RESPECTO, IGUALDADE E PAZ

DEZ ANOS NOS ESCENARIOS GALEGOS E ASTURIANOS

2008-05-05T11:29:00.000-07:00

Teatro “O Bordelo
DEZ ANOS ENRIBA DOS ESCENARIOS

Este ano dous mil oito está cargado de recordos para o colectivo teatral “O Bordelo” de Cervo . Dez anos como grupo estable de teatro afeccionado dan moito que contar.
O seu nome Bordelo significa axuda. Cando un carro non podía saír dun atranco ,o reforzo que se lle poñía diante para axudar a tirar del era o bordelo. No ano mil novecentos noventa e oito , despois de varias experiencias teatrais no Auditorio de Sargadelos , créase o colectivo cervense de forma estable , integrado na Asociación Cultural Airitos do Xunco, para abordelar ó carro do teatro afeccionado na Mariña.
Dende aquela pasaron dez anos, máis de trescentas cincuenta actuacións espalladas por toda Galiza e polo occidente asturiano, nas que colaboraron un total de vintecatro actores representando dez obras : “Andar á comenencia”, Na encrucillada”, “Cambadelas”, “Relax- Total”, “Plática –sisual” “Trébedes sen lume”, “Katharsis” “Anisocoria”, “ O Mariñán” e o seu ùltimo traballo titulado “ R.I. P “(con sabor a marandaina), todas escritas e dirixidas por Francisco Piñeiro González.
Facendo balance deste decenio escénico lembran a tódolos ex-membros, multitude de anéctodas, moitas horas de esforzo e dedicación, a evolución espectacular do número de espectadores e das citas de teatro popular , pero sobor de todo decátanse que a súa andaina serviu para espertar e apoiar a iniciativa doutros grupos e actividades culturais na Mariña.

Suman máis de trescentas cincuenta representacións e varios premios.

Séntense honrados por ter apadriñado “A Adala” , de Fazouro cos que agora comparten retos escénicos na “Agrupación Teatral Francisco Piñeiro” dentro do teatro histórico, audiovisuais dramatizados, “Sketch”, revistas orais, etc ; disfrutan ó ver medrar o colectivo “Ardora” de San Cibrao, dirixido por María Paz Rodríguez , quen ademais de ser actriz do Bordelo, realiza tódalas xestións administrativas en colaboración con Xosé Manuel González- Copa; están moi satisfeitos da excelente evolución e consolidación das “Veladas de Teatro no Souto” e alédanse de poder compartir escenarios con outros grupos estables da Mariña : “Raiolas “ de Alfoz, , “Axóuxere “ de Vilaronte, e con todos os colectivos que de xeito esporádico aportan o seu esforzo co fin de contribuir para que actividade teatral sexa unha alternativa cultural máis a ter en conta.

Como xa é tradición ,” O Bordelo” agasalla a tódolos os amantes da escena cunha nova peza a tarde- noite de Reis.
A estrea da súa dècima peza será o comezo duna serie de proxectos previstos a realizar ó longo deste ano especial. Entre eles xa nos poden adiantar que andan na percura de apoios para a edición dun libro recopilatorio de todas as súas obras e vivencias no que , entre outros segredos descubriremos o conflictivo bautismo de “O Bordelo por ser fillo dunha revolución ; realizarán exposicións fotográficas e nas Veladas do Souto presentarán varias novidades como a creación de EXPRESS-arte , unha ventá aberta que permita ós xoves da Mariña manifestar a súa creatividade .
Manterán en carteleira “O Mariñán”, “Anisocoria”, etc. ó tempo que ofertarán unha recopilación de teatro escollido baixo o nome de “ Dez retrincos “.
O teatro enraizado no pobo, con temas de actualidade é unha das claves da súa conexión co público. “Nunca pretendemos realizar grandes obras de teatro senón que a xente pase uns momentos agradables , pero baixo a apariencia da broma decimos as verdades máis serias”- afirman .

Agradecen o apoio recibido dos responsables do seu berce, o Auditorio de Sargadelos, o de tódolos veciños de Cervo , ó das institucións e medios de comunicación e sobor de todo ós moitos seguidores que teñen por onde queira de vaian.

Para contactar Franpigon@hotmail.com